Desteya Heşdî Şabî ragihand ku sê endamên wan di êrişek li Teleferê de hatine kuştin ku yek ji wan fermandar bû.

Li gel dewambûna şerê Îran û DYE-Îsraîlê, êrişên li ser komên çekdar ên li Iraqê jî ne rawestane. Di êrişek nû de 3 çekdarên hêzên Heşdî Şabî hatine kuştin.

Desteya Heşdî Şabî ragihand ku di êrişa duh ya li ser baregeha lîwaya 53 ya hêzên Heşdî Şabî ya li Telefer a ser bi parêzgeha Nînowayê de, 3 çekdarên Heşdî Şabî hatin kuştin.

Hate diyarkirin ku yek ji çekdarên mirîn, fermandarê fewca Mexawîr ya lîwayê Yasîn Mihemed Sadiq bi nasnav Ebû Teha Turkmenî bû.